不少流浪貓無家可歸，冬天天氣冷時，喜歡到車身取暖。然而，有人怕流浪貓弄污車輛，窮追猛打流浪貓。近日有網民上傳影片至社交網站，直擊上水有的士司機在停車場追打流浪貓。
短片屬大廈閉路電視片段，地點為上水馬會道一幢大廈停車場，根據短片顯示事發於昨日下午。影片上傳者指，「我見啲貓呢排完全唔食嘢有啲怪，同埋2點發現啲（貓）糧無晒，我去睇閉路電視發現。」片中可見，一名的士司機於停車場，窮追猛打流浪貓。流浪貓在場內四處逃跑，的士司機將一隻流浪貓趕至一角落後，又追打另一隻流浪貓。
網民紛紛斥責的士司機，「有片有證據，告虐畜」、「要報警！X街的士佬一定會再打其他貓！！」另外，亦有車主反映，指流浪貓抓痕會刮花車身，不過有網民回應，「我明車主嘅想法同不滿，但有家嘅邊個想流浪瞓街！貓貓好可憐，嘗試接觸義工幫貓貓絕育，唔好再繁殖可以嗎？」